FRIENDS OF FRIENDS

Նրանք յոթն են` յոթ աղջիկներ, յոթ ընկերներ…արդեն նաև յոթ գործընկերներ:Իրարից տարբեր են թե՛ մասնագիտությամբ, թե՛ բնույթով:Սակայն նրանց հետաքրքրությունները նույնանում են. թերևս այդ պատճառով էլ նախաձեռնեցին համատեղ աշխատանքը:

«Friendsե-ի ընկերները հինգշաբթի օրը` դեկտեմբերի 1-ին, ժամը 20:00-24:00-ը ակումբում էին` երեկոյին իտալական շունչ հաղորդելու, բոլոր նրանց համար, ովքեր սիրում են իտալական մշակույթը, իտալական խմիչքները, իտալական երաժշտությունը կամ այլ կերպ ասած` «APPASIONNATI d’ ITALIAե:

«Միտքը հղացավ այնտեղ, որտեղ ինքներս էլ ամենաշատն էինք սիրում ժամանակ անցկացնել, բավականին ջերմ ընկերական մթնոլորտում, որը հանդիսացել է հիմնական խթանը նախաձեռնության: Որոշեցինք կազմակերպել մի բան, ինչ հոգեհարազատ էր մեզ բոլորիս: Քննարկումից հասկացանք, որ մեկ երեկոն բավական չէ իրականացնելու և ներկայացելու այն տարբեր մտահաղացումները, որոնք բավականին բովանդակալից և հետաքրքիր են: Բովանդակալից են այն առումով, որ յուրաքանչյուր մտահաղացումը պետք է լիներ որևէ երկրի, մշակույթի ամբողջական ներկայացումը. ներկայացուցչական խոհանոց, տիպիկ խմիչք, ավանդական և ժամանակակից երաժշտություն:   Այս մտահաղացումների հետաքրքրությունը կայանում էր նրանում, որ ամեն մի միջոցառում լինելու էր մի յուրովի ներկայացում և մեկնաբանում մեր` յոթ աղջիկներիս, կողմից:  Իսկ երկրների ընտրությունը պայմանավորված է մեր իսկ յուրաքանչյուրի` տվյալ երկրի մշակույթի նկատմամբ հոգեհարազատությամբ…ե,- ասաց Անի Ափյանը:

Իտալական երեկոյի կազմակերպման հիմնական հեղինակը Անի Ափյանն է: Առաջին մասնագիտությամբ իտալերենի լեզվաբան: Գերազանց տիրապետում է իտալերենին և ուսանողական տարիներց սկսած մինչ օրս հասցրել է բավականին ուսումնասիրել ինչպես իտալերեն լեզուն, այնպես էլ ծանոթանալ և դառնալ իտալական մշակույթի մեծ սիրահար: Ունի բազում հետաքրքրություններ, որոնցից մեկն էլ տարբեր բնույթի միջոցառումների կազմակերպումն է:  Այս շարքում կարելի է առանձնացնել 2010թ.-ի դեկտեմբերի 7-19 նրա կողմից կազմակերպված «Liga FanCubsե  ֆուտզալի սիրողական առաջնությունը ֆուտբոլասեր հանրության շրջանակներում, ինչպես նաև վերջին իտալական երեկոն: Նրա` իտալական մշակույթի նկատմամբ ունեցած ձգումը չէր կարող չհամակել նաև իր մտերիմներին, այդ թվում նաև մեզ, ինչի արդյուքում էլ, որպես 1-ին երեկո ընտրվեց հենց իտալականը:

Առաջին երեկոյի կազմակերպման համար համագործակցեցին «Friendsե բարի հետ. «Առաջին երեկոն «Friendsե -ում կազմակերպելը բավականին ճիշտ ընտրություն էր. Ճիշտ  ընտրված միջավայր, ճիշտ իրականացվող գործնական հարաբերություններ և, իհարկե՛, ճիշտ ընտրված անուն` «Friends of Friendsե, որը լիարժեք նկարագրում էր մեր գործունեությունը նրանց միջավայրումե,- հարցին պատասխանեց մտահաղացման համահեղինակ Նարե Գալստյանը:

Իսկ թե իրենից ի՞նչ էր ներկայացնում երեկոն, Սաթի Աղբալյանն ասաց. «Իտալական երաժշտություն, իտալական միջավայր, և հատուկ երեկոյի համար պատրաստված «լիմոնչելլոե` իտալական խմիչք, որի պատրաստումը տևեց գրեթե 20 օր: Այդ ընթացքում մտածվեցին և պատրաստվեցին գեղեցիկ երեկո կազմակերպելու համար մնացած դետալներըե:

Սրահի իտալական մթնոլորտը ապահովում էին իտալական երաժշտությունը, սրահը զարդարող իտալական մեծ և փոքր դրոշները, պատերին փակցված իտալական տարբեր պատկերներ. հայտնի իտալացի մարդիկ` դերասաններ, երգիչներ, հայտնի շենքեր, հուշարձաններ, դրվագներ ֆիլմերից և այլն... Իսկ հյուրերի ներգրավվածությունը և միջավայրի լիարժեք գեղեցիկ դարձնելուն նպաստեց «dress codeե-ը. կանանց համար` կարմիր շրթներկ, իսկ տղամարդկանց` կարմիր թիթեռնիկ-փողկապ:

«Այս միջոցառումը մեր մտքերի սիրողական արտահայտումն էր: Նախկինում մեզանից ոչ ոք ակումբային երեկոների կազմակերպման փորձ չի ունեցել, թեև  մեզանից յուրաքանչյուրի ունեցած թե՛ մասնագիտական հմտությունները, թե՛ անհատական կարողությունները լիարժեք բավարարում են այս ոլորտում էլ հաջողություն ունենալու համար: Վերջինիս վառ ապացույցը հենց իտալական երեկոյի հաջող կայացումն էր, որը բավարարում և գոհացնում է մեզանից յուրաքնչյուրինե,-ավելացրեց միջոցառման կազմակերպիչներից Զարուհի Սահակյանը:

Իսկ երեկոյի ընդհանուր տպավորությունների մասին Գայանե Քեշիշյանը արտահայտվեց. «Երեկոն գեղեցիկ էր... կարողացել էինք ստանալ ակումբային մեղմ մթնոլորտ, որտեղ լիարժեք ուրվագծված էին իտալական մշակույթի առանձնահատկությունները: Ակումբը լի էր, չնայած նրան, որ աշխատանքային օր էր` հինգշաբթի: Ներգրավված էին բոլորը, ինչը ևս խոսում է դրական արդյունքի մասին: Չնայած նրան, որ կային տարբեր տարիքի և ոճի մարդիկ, այնուամենայնիվ, հետաքրքիր էր բոլորի համար: Մեզ համար մեծ պատիվ է արձանագրել այն փաստը, որ Հայաստանում Իտալիայի արտակարգ եւ լիազոր դեսպան Բրունո Սկապինին նույնպես ցանկություն էր հայտել մասնակցել միջոցառմանը: Երեկոյի ընթացքում բազում գովեստի խոսքեր հնչեցին, իսկ իտալացի հյուրերից մեկը հիացմունքով նշեց, որ մեր պատրաստած «լիմոնչելլոնե ոչնչով չի զիջում իտալականինե:

Եղա՞ն մարդիկ, ովքեր ձեր պահանջներով ներկայացան:

-Իհարկե՛ եղան: Գրեթե բոլոր աղջիկները կարմիր շրթներկով էին: Տղաներից քչերն էին կարմիր փողկապ կապել, սակայն դա էլ բավական էր գեղեցիկ միջավայր ստանալու համար,-հիացմունքով նշեց Սյուզաննա Սիրադեղյանը:

Ի՞նչ հետաքրքիր դեպքեր եղան:

«Երեկոն ինքնին շատ հետաքրքիր էր: Հետաքրքիր էր այն, որ շատ աղջիկներ մի քանի րոպեով «անհետանումե էին սրահից եւ վերադառնում կարմիր շրթներկով:  Հաճելի էր այն, որ որոշ հյուրեր ցանկացել էին իրենց ծննդյան տարեդարձը նշել իտալական մթնոլորտումե,-նկատեց Հայկուշ Սիմոնյանը և ավելացրեց,- «Ընդհանուր առմամբ միջոցառումը շատ հաջողված էր: Չնայած մենք որոշել էինք մեր բոլոր միջոցառումներն անցկացնել «Friendsե-ում, սակայն…  միաժամանակ ծնվեցին ավելի հետաքրքիր մտքեր: Այնպես որ, սպասեք մեր հաջորդ միջոցառմանը, մենք դեռ բազում անակնկալներ կմատուցենք…ե: